Toshkent davlat yuridik universiteti xorijiy fuqarolar uchun qabul e'lon qiladi

Toshkent davlat yuridik universiteti (TDYU) 2025/2026-o'quv yili uchun xorijiy fuqarolarni bakalavriat va magistratura ta'lim yo'nalishlariga alohida tartib asosida, test sinovlarisiz, suhbat natijalariga ko'ra o'qishga qabul qilishni amalga oshirmoqda.

Arizalar 2025-yil 20-avgustga qadar universitetning online.tsul.uz elektron platformasi orqali qabul qilinadi.

Qabul suhbatlari onlayn va oflayn shakllarda tashkil etiladi.

Talab etiladigan hujjatlar:

• pasport yoki shaxsni tasdiqlovchi boshqa hujjat;
• umumiy o'rta yoki oliy ma'lumot to'g'risidagi hujjat (attestat yoki diplom).

Suhbat davomida abituriyentga 4 ta savoldan iborat imtihon bileti taqdim etiladi hamda tayyorgarlik ko'rish uchun 20 daqiqa vaqt beriladi. 55 va undan yuqori ball to'plagan talabgorlar suhbatdan muvaffaqiyatli o'tgan deb hisoblanadi.

Qo'shimcha ma'lumot uchun: