O`zbekistonga qaytish uchun guvohnoma (sertifikat)

O`zbekistonga qaytish guvohnomasi (Sertifikat) chet elda vaqtincha yashayotgan va O`zbekistonda doimiy ro`yxat (propiska)da turgan yok sud qarori bilan ro`yxatdan chiqarilgan O`zbekiston fuqarolari va fuqaroligi bo`lmagan shaxslarga beriladi.

Sertifikatni olish uchun arizachi Konsullik muassasasiga quyidagi hujjatlarni taqdim qiladi (pochta orqali yuborish mumkin):

1) Qog`ozda chop etilgan, arizachinig imzosi qo`yilgan, bar-kodli elektron anketaning 2 nusxasi (anketa ushbu vebsaytdan to‘ldiriladi http://consulate.mfa.uz/anketa-new/index anketaga JPG formatdagi va hajmi 90 KBdan oshmagan rasmi yuklanadi: TALABLAR 1 va TALABLAR 2.; (agar sertifikat bolaga suralsa, anketaga bolaning rasmi yuklanadi va O`zbekiston pasporti/to‘gilganlik guvohnomasi yoki Isroilda to‘gilganlik guvohnomasidagi malumotlar kiritiladi, O`zbekistonda propiskasi bulmasa, onasi yoki otasining propiskasi kursatiladi, boshqa bandlarni to‘ldirishlarda xatolikka yul qo‘yilgan bo‘lsa, konsul tomonidan xatoni to‘girlash imkoni majud, anketada xorijiy davlatdagi manzil, konsulda savollar bo‘lgan holda aloqa uchun mobil telefon raqam va emil ko‘rsatilish shart).

2)  50x50 mm = 2x2 inch yoki boshqa o'lchamdagi ihtiyoriy 2 dona rangli fotosurat.

3) Muddati o`tgan, yaroqsiz holga kelgan pasportning ASLI va 1 DONA KSERONUSXASI  (titul, doiymiy ro'yxat-propiska va xorijga chiqish stiker-OVIR viza varag'lari).

4) O'zbekistonda to'g'ilgan va avval pasport olmagan fuqarolar uchun – tug`ilganlik haqida guvohnomaning 1 dona nusxasi, ota va onasining pasportlaridan 1 dona nusxa (titul, doiymiy ro'yxat-propiska va xorijga chiqish stiker-OVIR viza varag'lari).

5) Konsullik to‘lovi chiptasi (16 yoshgacha kirgan fuqarolar uchun 60 AQSh dollari , 16 yoshga to‘lmagan bolalar uchun 10 AQSh dollari.;

6) Sertifikat 3 oy muddatga beriladi. Sertifikatning amal qilish muddati Elchixona tomonidan berilgan kundan boshlanadi (hujjatlarni 3 oydan oldin yubirish taqiqlanadai, 18 yoshgacha kirgan va avval Uzbekiston pasportini olmaganlar bundan mustasno). Sertifikatning muddati uzaytirilmaydi. 

7) Arizachi (bolaning ham) O'zbekiston pasportining muddati o`tgan (aroqsiz holga kelgan) holda mazkur ushbu pasport Elchixonaga yuborilishi shart (pasport Elchixona tomonida Tashqi va ichki ishlar vazirliklari orqali fuqaroning doimiy (yoki avvalgi) propiska manzili buyicha ichki ishlar idoralariga yuboriladi, ushbu jarayon 1,5-2 oy vqatni olishi mumkin, shu bois O'zbekistonga ketishga 3 oy qolganda sertifikat olish uchun murojaat qilish zarur).

8) Pasportning olib qo`yilganligi yoki o`g`irlatilganligini tasdiqlovchi politsiya ma’lumotnomasining nusxasi (agar shunday holat ro‘ bergan bo‘lsa);

9)  Pasport yo`qolganda holda, pasport yo`qolganlik haqida Isroil vakolatli idoralarning ma’lumotnomasi (imkoniyat darajasida);

10) Sertifikat har bir kishiga alohida rasmiylashtiriladi. Sertifikatga bolalar yozilmaydi. 16 yoshgacha bo'lgan bolalarning Serifikatida hamrohlik qiluvchi shaxsning pasport ma'lumotlari kiritiladi. Shu bois bolaga hamrohlik qiluvchi shaxsning arizasi taqdim qilinishi lozim, aks holda hamrihlik qiluvchi sifatida serifikatga bolaning onasining pasport malumotlari kiritiladi .

11) Pasport yuqotilganligi sababli Sertifikatni olish maqsadida Konsullik muassasasiga murojaat qilib, so`rovnoma – arizasi topshirilgandan so`ng arizachining pasportii haqiqiy emas, deb e’lon qilinadi va topilgan pasport Konsullik muassasasiga topshirilishi shart.

12) Arizachi O`bekistonga borganidan so`ng 10 kundan kech bo`lmagan muddat ichida Sertifikatni doimiy yashash joyidagi ichki ishlar idoralariga topshirishi lozim.

13) Sertifikat quyidagi shaxslarga berilmaydi:

·  xorijiy fuqarolarga, O`zbekiston fuqaroligidan chiqqan yoki fuqarolikni yuqotgan shaxsarga;

·  O`zbekiston hududida doimiy ro`yxati yo`q fuqaroligi bo`lmagan shaxslarga;

-  uzrli sababsiz O`zbekiston hududida 3 yildan ortiq bo`lmaganligi sababli O`zbekiston hududidagi doimiy ro`yxati bekor qilingan fuqaroligi bo`lmagan shaxslarga;

14) Quyidagi holatlarda ham arizachiga Sertifikat berish rad etilishi mumkin:

·  o`zi haqida yoki shaxsni tasdiqlovchi hujjatining yo`qolganligi to`g`risida yolg`on ma’lumotlar bersa;

·  taqdim qilinishi lozim bo`lgan hujjatlar va ma’lumotlar belgilangan talablarga mos kelmasa (hujjatlar yetarli emas, so`rovnoma – arizasidagi ma’lumotlar aniq va to`liq emas);

·  taqdim qilingan hujjatlardagi ma’lumotlar haqiqiy bo`lmasa.